يا معشر العرب
يا نقطة ف دمي ثوري
وارمي الحب ف بحوري
جرعة ورا جرعة
يمكن... تفوق العرب
يا نقطة ف قلبي ثوري
غزة في القلب توجع
تنده ع الفجر يرجع
وعرب مش راضية تسمع
عيون القلب تنعي
وطن أصلي مش صوري
يا نقطة ف دمي ثوري
قولي الياسر حاميكم
ف القلب واتضرب
قتلوه إخوة وعرب
ويا معشر العرب
يا هواة فن وطرب
المجد دا مش هواية
ولا حسبة بتتحسب
المجد أكيد كرامة بالدم بتنكتب
يا نقطة في دمي ثوري
أنا مصري أنا أغلى درة
وما ليش في المجد درة
سينا ياغالية يا حرة
دمي الغالي رواكي
والقلب كان معاكي
وصرخ جوايا فيكي
وحضني بشوق جواكي
يا نقطة ف دمي ثوري
أمة قلب الحجر
يا معشر البشر
قلب الياسر فداكم
ولا عمروشي انتحر
يا نقطة ف دمي ثوري
أرضي فلسطيني غالية
وجبيني ورايتي عالية
يا نقطة ف دمي قولي
يامايا يا أم ياسر
راضي وع الهم صابر
أنا مصري ابن أمة
شربت من دم ياسر
وهاتشرب دم بطرس
وأحمد ويا جاسر
نبضي ف قلبي بيسمي
عليك يا قلب أمي
وبنتي ويا عمي
بادعي لربي بدمي
يوهب الصبر ليكم
وبلادنا تنتصر
يا معشر البشر
ميت مليون ألف ياسر
قلبه بالحب عامر
يا بلادنا فدا ليكي
ولا يوم تبكي عنيكي
ودمي يلطخ إيديكي
يا نقطة ف دمي ثوري
وبأعلى صوتي قولي
دم العروبة ياللي
اسمك أبرد مافيك
يا راس مالك لسانك
وودانك بتناديك
لون في الدم مرة
قوم خد بتار الدرة
وأشرف والشيخ يا سين
مش دم قلب ياسر
حررلك فلسطين؟؟؟
قلبي م الحزن صايح
يا مكتر في الفضايح
دم الياسر دا رايح
يشكي لصلاح الدين
من أمة همومها واحدة
وفي نفس الدم وحدة
من التراب والطين
شربت من دم ياسر
ودمروا فلسطين
وعراق وغيرهم مين
دم الياسر بيسأل
على مين الدور ده مين
الرئيسية 
البوابة* 
الجمعة 2 يناير 2009 - 7:38