عمرو أديب : مفيش ممثلة صاروخ فى مصر !!!

بمناسبة تعرض الفنانة نادية لطفى لحادث ، وجهت امال عثمان وعمرو اديب التحية الى الفنانة الكبيرة وتمنيا لها السلامة والشفاء ....ولم يفوت عمرو الفرصة كعادته وسأل امال عثمان :

مين جميلة زى نادية لطفى ..ادينى واحدة زيها أو زى سعاد

ردت أمال : مقاييس الجمال اتغيرت ولما عملنا استفتاء عن ملكات جمال النجمات اختاروا ياسمين عبد العزيز

لكن من وجهة نظرى غادة عادل ومنى زكى أمورة

قال عمرو : أمورة .زلكن مش جميلة أنا باسأل مين المزة ؟ فى الفنانات كلهم

انا مثلا كنت مبهور بناهد شريف وميرفت امين ونبيلة عبيد ...اجيال ورا اجيال والست هند رستم وسعاد حسنى ومديحة كامل .....رحت اعمل معاها انترفيو فى اواخر حياتها وكانت قمر ...

قوليلي واحدة جميلة ومقاييس الجمال فيها ؟ مين قمر ؟

انا قلت اسماء صواريخ احنا كان عندنا فى مصر قاعدة صواريخ ، مفيش دولة فى العالم كان فيها التكوين ده ...ده كان عندنا ستات ياخبر ...

احنا ماعندناش فيديت دلوقتى

انا لسه باتفرج على هند رستم فى باب الحديد ولا ميرفت امين فى انف و3 عيون ، دى نموذج الجمال ومازالت وشفتها من سنتين كنت قاعد جنب كمية جمال لاتتخيلى ...انتى بتعملى غلاف كل اسبوع اغلبه ستات مين احلى واحدة ؟

افتكرت زبيدة ثروت وناهد يسري ونجوى ابراهيم ...كان فيه واحدة اسمها حبيبة زمان وكانت جامدة جدا ...عايزين اتصالات هاتفية تقول لنا عن حد جميل فى مصر ....

** مروان من الاسكندرية : يسرا اللوزى وايمان العاصي

** حمدى – القاهرة : فى القديم سميحة توفيق ، وفيه سيرين عبد النور ..

قال عمرو : سيرين مش مصرية

• مها : الدوحة : منه شلبى ومنة فضالى

• علق عمرو : منه جميلة لكن انا باتكلم عن واحدة رائعة الجمال

اتصلت الفنانة ميرفت امين :

انتوا مدلعيننى أوى ووشي عمال يحمر

رد عمرو : حضرتك جميلة أوى ...

قالت : الجمال مابيبقاش كفاية ....انت بتتفرج على

فيه بنات حلوة كتير ,يسرا اللوزى وايمان العاصي و

** بس مش حلوين زى الجيل بتاعكم ...واللى قبله ..مين زى زيبدة ثروت وناهد شريف ومديحة يسري ..ليه الزبدة قلت ....؟

- فيه بنات حلوة كتير بس يمكن بعد فترة هيبتدوا يبانوا اكتر وتشوفوهم حلوين برضه ومفيش حد بييجى شبه حد ....انا ونجلا جيل واحد واصحاب جدا ...لكن كل واحده ليها طعم ومعجبين

» تأجيل دعوى بدو سيناء ضد عمرو أديب
» شماتة عمرو أديب فى الأهلى : هى دى الحياة
» ردا على عمرو أديب المنتخب المصري ليس نجسا
» عمرو أديب زعلان على هزيمة الجزائر 3\صفر !!!
» الإعلاميون يحتجّون على موقف عمرو أديب من المنتخب..