دم العروبة ياللي
اسمك أبرد مافيك
وراس مالك لسانك
وودانك بتناديك
لون في الدم مرة
قوم خد بتار الدرة
أشرف والشيخ يا سين
ومعاهم دم ياسر
هاتحرروا فلسطين؟؟؟
يا نقطة ف دمي ثوري
فوقي دا الدم سايح
قلبي وعلى غزة رايح
يشكي لصلاح الدين
يافا ورايس التين
من أمة همومها واحدة
وف نفس الدم وحدة
شربت من دم يا سر
ودمروا فلسطين
دم الياسر بيسأل
على مين الدور ده مين
يامايا ياأم ياسر
لصراخك نار تنادي
يسيل دمي ف بعادي
وينادي عليكي يامه
وأنا قلبي بيفدي أمة
ياأمه افرحي واستمحي
ربك بصبرك تفلحي
ابنك شهيد وماهوش وحيد
يامه افرحي
الفرح جاي هنا من بعيد
م الأقصى يامه
بيتولد مليون شهيد
أرواح بتحضن بعضها
أرواح وغزة ف قلبها
ها تروح ترجع مجدها
يا نقطة ف دمي ثوري
قولي لقلب الحجر
دم الشهيد فداكم
ولا عمروشي انتحر
الرئيسية 
البوابة* 
الأربعاء 7 يناير 2009 - 5:43