أبو العريف مقطوف تقطيف

يا بو العريف
يابو العريف يا بو دم خفيف
بتجيب فى كلام مقطوف تقطيف

مليون موضوع ونازل مفجوع
على ميت مخدوع ربط وتكتيف

فى سياسه ودين محلا التسخين
على ناس مساكين ناقصه التعليف

استاذ تشكيك فى كلام بوليتيك
وحياة والديك ما بلاش تخريف

فى ( العيا ) دكتوروعلاج مسحور
والعده ساطور تنزل تخطيف

فى الكوره كمان فشر الألمان
والكوره اجوان لكن إنت عفيف

فى الفن كمان تخلق ألحان
زى الدبان عايزه التكييف

يابو العريف يابو دم ظريف
بصراحه يا لطيف مخك يا حفيظ
عايز سنفره وكمان تنضيف

يابو العريف
---
فتح الحجر جبهتى...و أنا شايل الرشاش

ربط جرحى -و أنا بجرى وراك-بالشاش

أنا بجرى بمرتبى ...و أنت بتجرى بلاش

و قبل ما يبلعك تحت المخيم ليل

حاهديك رصاصه....حجر يدك ما يمنعهاش

صهيونى...بزحف وراك...يسبقنى ليك غضبى

و حاقتلك....احترام لوضعنا الأدبى

ارفع قناعى....تلاقى وجهك العربى

و أهلك الصامتين .... فى صمتهم نايمين

عجبك على صمتهم ...لا يقل عن عجبى

أخذوا على وجودى بنهم و استتب الأمر

و خمارهم ..اللى عشانه حبوا شرب الخمر

و لما سكروا...انتشى زيد من شتيمه عمرو

لقيت خريطه و طنكم فى العرا بترعش

غرست أنا على الخريطه بايدى ...شاهد قبر

و أخيرا أعجبتنى أبيات يوجهها الشاعر لأطفال الحجاره قائلا

لسه ما شبعتش طوافه

يا اللى مولود من سنين؟

يا قمر مولود فى يافا

و اتقتل فى دير ياسين؟

يا قمر وأنت المناره

ألف وجه لألف حاره

أنت أطفال الحجاره

ياقمر...و أنا طفل مين؟

يا قمر اغضب بحده

انتفاضه مالها رده

زى ما فيه يافا واحده

واحده برضه دير ياسين

يا قمر خدته ليافا

خدنى هوه لديرياسين