سعر الامة
صعيدي وجاب حجامة
مسمار نعش الكرامة
ورصاصة ف قلبه لما
أمريكا دي تبقى ماما
وقلوب بالجهل ياما
بتنادي باراك أوباما
حرية ديمقرطية
بالخلطة الأمريكية
لاجمل سكة ندامة
لما تموت الكرامة
بغدادي يا أعلى هامة
الزيدي آهو ساب علامة
أمة وف السعر جزمة
وعلى بلادنا السلامة
------------------------------------------------------------
(35) نابليون ألفين
وعشرة
يا فرحنا ويا هنانا
أوباما وجه حدانا
ورمى السلام أمانة
يا فرحنا ويا هنانا
جه من المحروسة يحلف
يحمي المجرم في قانا
يافرحناوياهنانا
روح الشهيد معانا
تبكي و بالدم تسأل
كام نابليون هوانا
يا فرحنا ويا هنانا
روح الشهيد زمان
شهدت كان يا ماكان
كان نابليون بعلمه
يحتل بلاد بإنه
راجل مؤمن بدينه
يا فرحنا ويا هنانا
جاب نابليون وحوشه
جوا الأزهر يدوسوا
فارس سلطان زمانه
كان مين يقدر يحوشه
يا فرحنا ويا هنانا
نفس التاريخ معانا
أوباما جه حدانا
جي يكيف هوانا
وينول عظيم رضانا
يا فرحنا ويا هنانا
راح نتكلم كلام
ونسلم ع السلام
كل الأجواء تمام
يا فرحنا ويا هنانا
نفرح لحظة لؤانا
والدعم لإسرائيل
هيزيد الدنيا ميل
والاستعمار ده دايما
راحته بتكون حدانا
يا فرحنا ياهنانا
والعقل مات جوانا
أوباما جه حدانا
جي يكيف هوانا
الرئيسية 
البوابة* 
الخميس 5 أغسطس 2010 - 8:52