خالد الصاوي: المصريين ليسوا غنماً لحجب أرائهم وأفكارهم

وجه
الفنان خالد الصاوي نقداً لاذعاً ضد الدعاوي التي تطالب بحجب الفيسبوك في مصر، وقال إن ''المصريين ليسوا غنما كي يتم حجبهم عن التواصل الاجتماعي ونشر أرائهم والتعبير عن أفكارهم''.
وأكد أنه لابد من مقاومة هذا التفكير والتعامل معه بحسم سواء من خلال النضال الإلكتروني أو كافة وسائل الاحتجاج حتي لو وصل الامر وتطور الي اقصي الدرجات.. وقاد خالد الصاوي مبادرة إلكترونية للتصدي لحجب الفيسبوك من خلال جروب تم تصميمه تحت شعار ''لا لمجرد التفكير في حجب الفيسبوك.. احنا مش غنم وحنقاوم بقوة.. منفضلكم انضموا للصفحة دي وانشروها ارجوكم''.
وقال الصاوي، معلقا علي أراء وتعليقات مؤيدي الجروب، '' لو الفان بيج بقى عشرات الآلاف ممكن يفكروا مرتين ثلاثة قبل ما يقدموا على التصرف الأحمق ده.. همتكم جميعا ودي أول خطوة بس''.
وأضاف خالد الصاوي في صفحته على الفيس بوك ''فيه شعوب قبلت تتمنع من الفيسبوك، وفيه شعوب مستحيل حكوماتها تفكر تمنع فيسبوك أو غيره لأنها كافحت سنين لحرياتها، وفيه شعوب زي حالاتنا ممكن تفكر حكوماتها تمنع فيسبوك عنها.. بس احنا مش غنم.. وتاني يوم حيحصل فيه كده مفيش حد فينا حيروح شغله وممكن كمان نعمل تجمعات ونحتج ونرفع يفط زي شعوب بلاد برة.. قولهم يراجعوا نفسهم في اللي بيفكروا فيه يا بروفيسير عشان الخنقة زادت والنفر مش مستحمل نفسه ولا أخوه.. فما بالك بحضراتكم؟؟''
ورفض احساس اليأس والقنوط التي قد تصيب البعض قائلا '' فيه فرق كبير بين انسان محبط وشايف انه مفيش فايدة، وانسان داير يقول للناس بكل حماس: مفيش فايدة يا جماعة! الأولاني يائس، لكن التاني عميل لليأس.. الأولاني ضحية.. بس التاني مجرم''.