رغيف العيش
غيرت شكلك ليه يا رغيف .. أنا نفسي أشوفك مرة نظيف
مليان مسامير وسجاير .. وفي الميزان ناقص يا خفيف
كنت زمان طري ومفقع .. مفكش سوسة ولا مرقع
دلوقتي شكلك مش مظبوط .. أسود على أبيض ومبقع
طالع لي من الطاقة ملغبط .. وشك كمان كله مشعوط
لو صوروك مع كورة شراب .. أتوه مابينكم وأتلغبط
الناس عليك عاملين زحمة .. متكنش أهم من اللحمة
ومهما تعمل فينا يا رغيف .. ميجوزش عليك إلا الرحمة
مع انك أنت رغيف مدعوم .. لكن بس يا ناس مظلوم
شبهوك ولاد الحرامية .. ومن وراك لهفوا المعلوم
أنا نفسي يتحسن شكلك .. ونتبسط وأنا بناكلك
لو كل واحد عنده ضمير .. هتنتهي كل مشاكلك
مع السلامة خلاص يا رغيف .. أنا نفسي أشوفك مرة نظيف
كل الغلابة هيدعولك .. ونفسي أشوفك حلو ظري
الرئيسية 
البوابة* 
الأربعاء 27 أكتوبر 2010 - 8:43