اجتماع القادة والقيادة ساعة الصفر
ظهر السادس من أكنوبر العاشر من رمضان
سنة تلاتة وسبعين
من شيخ الزجالين محمد الحسيني
اجتماع كان سري خالص فيه دراسة وتقديرات
السادات والقادة طبعا كل رأي وله ميزات
الرئيس واقف بيحكي عن نجاح التجهيزات
قال دي ساعة الصفر جاية فيه إشارة وتعليمات
حسني قال بعلو صوته قال سيبولي التشكيلات
السلاح الجوي جاهز بالعتاد والمركبات
حتى أول طلعة ليا راح تشوفوا مفاجآت
هاضرب الأسراب بقوة واللاسلكي والموجات
لازم أضرب المراكز واللي عنده الإمدادات
وأقلب الساحة جهنم وآخد التار اللي بات
رد قائد جيش ميداني احنا هانعدي ف ثواني فيه حدانا كاساحات
الجنود حلفت لتعبر مهما عملوا سد تاني أو حاجات
قائد الأسطول ختمها عندي خطة وتلميحات
هاضرب التشكيل في لحظة بس توصل تعليمات
السادات أعلنها فورا كله حايتم ف ساعات
المباغتة والمفاجأة والمبادرة والثبات
والقيادة والريادة والجيوش والدبابات
خط بارليف كان حكاية زي أكذوبة إيلات
التاريخ سجلها لحظة فيها حصلت معجزات
المدافع والقنابل دمروا كل الآلات
والبارود كان جسم طاير الهجوم ويا الباكات
ع الجبال سابوا سلاحهم هربوا من هول الدانات
والعلم رفرف في سينا دا الشهيد عايش مامات
كان بيطلع من رماله بالكفن يقتل مئات
والشياب المصري واعي كان بيضرب مجموعات
رددوا الله أكبر كان إرادة كان حصاد الذكريات
انتصارنا كان حكاية والبداية نسر أبيض بجناحات
اسألوا الدنيا علينا دا احنا بإدينا بنينا سد عالي وأهرامات
نفسشي أستأذنكوا لحظة هاحكي للريس حاجات
يارئيسنا يا مبارك دي الحكاية اللي حصلت من سنين
شعب ثار من أجل أرضه ولكرامته ولولاده المطرودين شعب ثار من أجل حقه ولتاريخه ولدموع المجروحين
كان ضروري نشد حيلنا كان معانا كل جيلنا وبإيمنا كنا مسنودين
كلنا بإدين قوية المسيحي جنب أهله المسلمين
احنا وحدة احنا بندافع ياعالم عن عيالنا المظلومين
حتى أجراس الكنايس والأدان ع المدنة حارس شاركوا في النصر المبين
ارضنا بالفعل جنة احنا فارشينها بحنة أرض كل المؤمنين
ارفعوا الراية دي عالية أصل مصر بلدنا غالية عمرها مافيوم تلين
حطمت بارليف وسده واللي قالوا ما في قده وانتهى الوهم الحزين
التاريخ أصله ندهنا وانتصرنا بعون إلهانا نشكر المولى المعين
إنت يا مهد الممالك والله واشاقت لرمالك دا أنت أرض المرسلين
العلم رفرف يا سينا عمرنا ما ف يوم نسينا كله مكتوب ع الجبين
ألف مبروك يا مبارك ذكرى بيها نستبارك تحرسك سورة يسين
دا أنت عندي كنز غالي وانت قائد عام مثالي يشهد المولى المتين
نسأل المولى تعالى يحفظك وتكون معانا دا يا حسني أمين
الرئيسية 
البوابة* 
الثلاثاء 9 نوفمبر 2010 - 9:18