نداء فلاح مصري

هرم و نيل و قلوب
و حبيبتي أغلى الشعوب
من مدن و قرى و محافظات
تاريخ ....
تاريخ يشهد عالحضارات
بالحب جمعتنا
و الحب هو بيتنا
بيت كبير
مشوار حياتنا
ارتوينا بنيل
شريان بلدنا
و شمس و قمر و شروق
شروق كل يوم
بيعدي و أنا ودي
بيدي أسلم على
طفلة جميلة
رايحة و جاية بالمريلة
و شباب يامة و عقول
نفسي أصرخ و أقول
هيَّ دي مصر بلدي
من سينا للحامول
لما تتقابل بعيد
لما تسافر
لما تكون وحيد
و في الدنيا دي بتعافر
فجأة ينادي
و بلهجة بلادي
طفل جميل بريء فاكر
تعرف و بصوت الوادي
أول صرخة طفل
يوم ولدته
مشتاق ؛ أمُّي يا مصر
و الحنين في قلبه يوعده
و يا شوق طفل لبلده
بأحلام
يمكن محتاج نساعده
بإبتسام أو بكلام
أو يمكن محتاج نعاهده
على الأيام
و يا ضوء شارد
من عيون
المصري الخالد
أبو قلب حنون
عرف نفسك للكون
و نادي
يا كفاح ؛ يا عمل
يا إخلاص
سلم كتاب الأمل
لأطيب ناس
ارفع شعار
حاول تفهمه
هو الأساس
و تحكي فيه
قصة الكفاح
احكي فيه
قصة كفاح
دكتور ، مهندس
أو فلاح
و معاك أملنا
و أكيد سلمنا
بكفاحنا إحنا
كلنا نرتاح
و نعيش أيامنا
غُنا و أفراح