ألف دمعة ساخنة اكتوى بها قلبي وقلب كل مصري هي دمعة لاذعة مرة المذاق عميقة الألم أدمت القلوب المسلمة والمسيحية على حد السواء، منذ تفجير كنيسة القديسين بالإسكندرية، وأنا أتمزق حزنا وأتذكر تاريخ مصر منذ الفراعنة مرورا بثورة 19 وسعد زعلول وعرابي وحتى يوليو ثم أكتوبر المجيد وكيف كانت وحدتنا هي رأس مال مصر الحقيقي ومع الحزن والألم واللوعة قرأت في صفحات قلبي بعض سطور الأمل فقررت أن ألتقي مصر في كلماتي وأسألها بعامية أهلها يعني إيه يا مصر إسمك
يعني إيه يا مصر إسمك
يعني حب كبير يضمك
حفظ من ربك لأرضك
دمعة فرت غصب عنك
يعني إيه يا مصر إسمك
يعني نور فوق الكنايس
والأدان للمدنة حارس
قلبي ليكي بحبه حاسس
إني محال استغنى عنك
يعني إيه يا مصر إسمك
دمعة فرت غصب عني
والإيمان ساكن في حضني
يقتل الإرهاب يا أمي
وأفدي لترابك بدمي
يعني إيه يا مصر إسمك
ومينا ومحمد في حضنك
والميم محبة في دم إبنك
والص دي صبر دليله نصرك
والرة دي راية حب عالية
يجمع هلال وصليب في حضنك
يعني إيه يا مصر إسمك
مليون شهيد دول مهر نصرك
يعني قلب بنبضه حاسك
هو ده يا حبيبتي اسمك
عهد بين ابنك وأرضك
الرئيسية 
البوابة* 
الجمعة 7 يناير 2011 - 14:59