لا و ألف لا للانتحار

زائر

لا و ألف لا للانتحار
[size=21][size=18][size=9][size=21]لو كل الدنيا غيوم حواليك وبتشكى ما حد حاسس بكلامك[/size][/size]

وكل ما تفتح باب يتسد مخنوقة حولك أصوات أحلامك

لو شايف كل طريقك شوك وكاسات الظلم بتملا زمانك

اصبر وادعى المولى يعنيك صبرك بلسم يشفى آلامك

اصبر حاول تانى وتانى هتلقى الفرحة أكيد جيالك

إياك تمشى تبع لهواك أوعى تسيب يأسك يغتالك

ربك شايف كل جروحك إياك تلعب بيك أوهامك

لو مش لاقى بصيص للنور عزيمتك تمحى كل ضلامك

أمانة العمر إزاى بتخونها؟!! صون بنيان الله وكيانك

اوعى تقول وحدى المهموم وتسيب النفس لسوس أشجانك

بص فى نص الكوب مليان بص لغيرك تهون أحزانك

اوعى تقوللى دا نوع تهديد أو مس كرامتك حد وهانك

اوعى تقوللى حياتى كئيبه الفرحة تضيع بسبب خذلانك

اصبر واجه إياك تهرب تلقى الصبر يا سيدى ما خانك

فرج المولى يا سيدى قريب رزقك قاعد عمره ما فاتك

غضب المولى عليك والنار لما بإيدك تنهى حياتك

ليه بتحرق بستان عمرك ليه بتدمر ذكرى وفاتك؟

إزاى تنهى العمر بإيدك؟! ويحفر قبر استسلامك

مهما الدنيا ضاقت وياك لسا الخير موجود قدامك
[/size][/size]