حبيت شاب على الشات مش عارفة هل اصدق كلامه

السلام عليكم انا بنت فى 2 ثانوي اتعرفت على شاب فى 4 جامعة من الشات من نفس محافظتى وقريب منى كمان.
وحبيته وهو كمان حبنى واعترفلى بحبه وانا كمان.
هو محترم ومؤدب والله وانا متأكده من كده وعمره ماكلمنى فى شئ لا قدر الله مش كويس.
لكن هو الحقيقه مسجل لى اصدقاء بنات ع الفيس بوك وانا لما عرفت واجهته بكده.
قالى ان فى بنات فيهم مش بيكلمهم خالص ولا حتى يعرف اسمائهم وفى بنات فيهم كمان مخطوبه وبنات اكبر منه وبنات مسجلها عنده بحكم العمل لانه بيشتغل فى الاجازه وحلفلى مية يمين ع كده.
لكن انا اتضايقت وقعدت فتره مابكلمهوش فضل يتصل عليا كتير ويرسلى رسايل ع الموبايل ورسايل ع الفيس بوك و الايميل قعد فتره طويله اوى ع الحال ده.
وبعد كده كلمته وقالى انه مسح كل البنات اللى عنده علشان مايزعلنيش ويثبت ليا انه بيحبنى انا وعايزنى انا ووعدنى انه هيخلص الجامعة و الجيش و يخطبنى وبعد لما انا اخلص الجامعة وهو يكون كون نفسه فى الفتره دى يبقى نتزوج.
انتوا ايه رأيكم هل اصدقه ولا لا واتصرف ازاى واعمل ايه ارجوكم انصحونى وشكرا ليكم جميعا
بصى لو كنتى قبلتيه وعرفتيه كويس وعرفتى كل حاجه عنه هوا واهلو وحاسه بصدقو خلاص يبقا ده بجد بيحبك وجربى مش هتخصرى حاجه المهم انك تحافظى ع نفسك ربما ممكن لاقدر الله يسيبك فنتى تحافظى ع نفسك واوعى تخليه يلمس شعره منك عشان لوحصل حاجه ماتندميش

» لوسي : ياريت حسين فهمي يحافظ علي كلامه
» نهاية من يدخل الشات قصة بقلم احمد شعلان
» مواقع "الشات" تؤدى إلى أمراض السرطان والقلب
» فتوى أردنية تحرم "الشات" بين الشاب و الفتاة ..وتعتبره بابا للشيطان
» فتوى أردنية تحرم "الشات" بين الشاب و الفتاة ..وتعتبره بابا للشيطان