البرباطوس

البرباطوس

النهارده انا جايبالكم حاجه جديده كنت اتكلمت عنها قبل كده
وهيا عباره عن زجل برد بيه علي كل الي بيتهموني ويقولوا اني كئيبة ! ...
المفروض يا جماعه كنت القيتها بصوتي عشان تبقي في افضل صوره ليها
... عشان كل المعاني توصل زي منا عاوز ة... ... عموما تتعوض ان شاء الله ...
وبجد يا جماعه محتاجة رايكم كلكم ...,وانا اسفة لانها بالعامية المصرية
أنا مش كئييبة !!!
أنا مش كئيبة يا خلق هوو ...
واللي قالوه - عنّي اشاعه مغرضه
بيقولوا اني بقالي دهر ...
أو ييجي يمكن ألف شهر ...
كئيبة لكني مش كده !!!
أنا بنت زيي زيهم ...
ومش ممكن اقول احسن منهم
وان كنت أنا زعلانة شويه
يبقي الكآبه مش طبعى دة طبعهم ...
هحكيلكوا عني وعنهم
وانتو تقولولي مين بقى فينا الكئيبة ؟!
اناكنت نونو...
يعنى صغيرة..
وعشان يوماتى
كنت بغير...
جدو جابلي برباطوس....
معرفش كان جايبه منين!
وعدي يوم ...
أقصد يومين...
مبقتش ألبس البرباطوس
بيقولوا اني...
آل ايه كبرت....
ولبسي لازم يكون رزين !
وهوا يعني عشان كبرت
ملبس حتي البرباطوس ?!
عالم غريبه يا أخواتى ...
وكأن لبس البرباطوس بقى حاجه عيبة
قولولي بس مين بقي....فينا الكئيبة ؟!
وشويه شوية رحت المدرسه
واللي تعبني ... لما قالولي ...
مصر ماما ... وماما أم كويسه !!!
قلت ماما ... ماما ايه ؟
أمال الحاجه فاطمه تبقى ايه ؟!
قالولي ماما تبقي برضو أم ماما ...
وماما التانيه برضو تبقي ماما !!!
تهت منهم وأما تهت ...
قالولي تبقى مين مامتك يا شاطر ة؟!
قلت مصر تبقي ماما ... وماما تبقى بنت ماما !!!
والجواب كان شيء عجيب ...
وعجبهم خالص جوابى
قولولي بس مين بقي فينا الكئيبة ؟!
عدت سنين ... سبت المدارس والكتاب
في الجامعه كان كل الصحاب
وحياتي كان ليها بابين ...
باب تجاره ... وباب آداب
والغريب ... ان المباني برضو كئيبه
والبشر لسه عجيبه
والبنات اللى زيى حلويـــــــن أوي ..
. والولاد بقو حاجه خيـــــبه !
وابن الجيران واخ صحبتى يقول لى
خليكى معايا في صيدله !
طب وعلوم بكره يسقطوكى ...
وهتبقي ليله مقندله !
رد قلبي وهوا ماشي اية رايكم فى الهندسه ...
غلطانة أنا ؟ ...
وأما لقيتها ح تجيب حقوق ! قلت خلاص يا ناس هروق ...
لكن خساره ...انا كنت خايفة من التجاره !
وعرفت ده لما (باعتني) من غير فلوس
والسبب ... قسمه ونصيب !!!
وفى الاخر عرفت انى ممكن ادخل صيدلة
قولولي بس ليه بقي هكون كئيبة ؟!
وكبرت حبــّـه ... وعرفت أن الدنيا دي ولا تسوى حبــّـه
اللي تحبه بيضيع فثانيه ... والصدق ضايع بين ألف كدبه !
قررت أعيش ...
وحدي معاهم ... بعيدة عنهم ولكن بينهم ... غريبة ومنهم
ميهمنيش ...
قفلت بابي ... وواربت شيشى ...
يمكن فيوم ييجي القمر عشان يآنس وحدتي ...
أو نجم تايه في السما يرسم معايا بسمتي ...
أو حتي صوت يهزم سكون الليل ويقتل غربتي ...
بس شباكي مبيجبش غير هوا مليان تراب !
ومن التراب كان البشر ... ومن البشر تعب التراب !
بالذمه ده مش شيء عجيب ...
قولولي بس أنا ممكن ابقى كئيبة؟!
ولا انا مش كئيبة؟