رسالة لإسرائيل
اهدي يا ليفني واعرفي إني
جندي وفارس للشجعان
قلبي ده زاده هيبقى إيمان
مهما تقوللوا عليا جعان
اسألي عني شهور رمضان
أو أكتوبر ستة كمان
اهدي يا ليفني واعرفي إني
قوة صبري كمان خلتني
فرع زتون أو ورده ف غصني
يسمع نبضي جرس وأدان
وقت الشدة تلاقي عيوني
تصب غضبها على الطغيان
كل العالم يشهد إنه
عمر المصري ما يبقى جبان
خمسين سنة لوفاتوا علينا
لو يتراهنوا علينا ف سينا
بإسم الله هنكيد أعادينا
وحدة ما بينا جرس وأدان
مصري النبض مع الوجدان
ما يخاف موت أو يوم حرمان
نبض إيمانه يقوي ميدانه
يا خد المدفع بالأحضان
فوقتي يا ليفني ؟؟؟؟
لأ استني ...........
هكرر تاني بسرعة كمان
اهدي يا ليفني واعرفي إني
جندي وفارس للشجعان
أصل النصر ده وصفة جدي
بكل سنيك احصي وعدي
نقط الدم ما بين شريان
56 كان عدوان
67 نكسة كمان
مسك اختامنا آهو جه رمضان
طهر أرضي من العدوان
وف يوم ستو في ساعات ستة
هل النصر علينا وبان
فوقي يا ليفني واعرفي إني
جندي وفارس للشجعان
الرئيسية 
البوابة* 
الخميس 12 فبراير 2009 - 7:39