همسة عتاب

[همسة عتاب واتنين
يا قلبي يا مسكين
تبعتها بس لمين
جرحوك قوي الغاليين
يا قلبي يا مسكين
يا قلبي أنا بهواه
باعشق وأدوب في هواه
وقلوب كتير عاشقاه
تتمنى لحظة معاه
لحظة حنان وحنين
يا قلبي يا مسكين
باسأل أنا ومش عاوزة جواب
حبيبي يا أعز الأحباب
إزاي في لحظة بقينا أغراب
تبعدني عنك
وتنسى إنك
يا حبيبي مني
وإني منك
علشان كده وانت أنا
تحرمني من كل الهنا
ويموت في دنايانا الحنين
يا قلبي يا مسكين
إنسى الوفا والصفا
من الهموم والدفا
وارجع شعاع واختفا
شهيد لبحر الصفا
خله في حياته أنين
يا قلبي يا مسكين

شعر مصرية حالمة
محاسن بيومي