الخصخصة
يا بلادنا وقسموكي
واتوصوا بيا أنا
يا بلادنا وخصخصوكي
للأخ وللضنا
يابلادنا وقسموكي
وبقولها من هنا
مش عاوز آخد صكوكي
هافضل فقير أنا
وبلادنا تضمنا
مش عاوز أركب شيروكي
هاركب حمار أنا
يا بلدنا وقسموكي
ناويين تاني يبعوكي
مش ناقص إلا أنا
يابلدنا وقسموكي
وكمان هايقسموني
أو يمكن هايبعوني
وعشان ماليش تمن
مين يشتري الحزين
تايه من غير وطن
يا بلادنا وقسموكي
واتوصوا بيا أنا
يا مثبت العقول
باصرخ أنا وبقول
أدمنت أكل الفول
مش عاوز كفتة أنا
طعمية اتضمنا
وعلينا حنينة
يا مثبت العقول
خلصت كل الحلول
أمال راح فين تاريخنا
أو عهد مجدنا
يا بلادنا وقسموكي
واتوصوا بيا أنا أنا أنا آآآآآآآآآآآآآآآآآآآآآآآآآآآنا
شعر المتخصخصة محاسن بيومي
أنا أنا آآآآآنا
الرئيسية 
البوابة* 
الإثنين 15 ديسمبر 2008 - 5:11