"وجهــــــــة نظــر" قصيدة للشاعر مراد ناجح عزيز

var addthis_pub="tonyawad";

مخنوق منها
ومفيش فايده ف حل سهل وبسيط
اللى جواك
محتاج مساحة أكبر..
من فن تأويل الكلام
وتهوين الوجع
أو صديق يسمعك
ممكن ف لحظة يسيبك
لمجرد إحساسه
بإنك هـ تضغط على أعصابه زيادة
أو يجوز
كان ف حالة هدوء نسبى
وأنت كسرتها
ماهو كل واحد فينا جواه حاجات..
زحمة هموم / ترحال،
تعب
ومحتاج مساحة أكبر..
ومخنوق منها..
ومفيش فايده..
ولأنك يعنى شاعر
ومن وجهة نظرك
إنه مفيش قصيدة بطعم إحساسك الحالى
ف من السهل جدا
تلم بعضك على بعض
وف أقرب مكان دافى
ترمى روحك
وتسيب لعنيك حرية التعبير