هي هي يا دنيا هي أزرعها ود تطرح أسية لمحاسن بيومي

هي هي يا دنيا هي
تقتل حنيني
تطول سنيني
والحزن يروي بدموعه عيني
هي هي يا دنيا هي
ولا غيرها هي
أزرع أمل تطرح أسية
والحلو ليها والمر ليا
تهدي بإيديها للشوك إيديا
هي هي يا دنيا هي
تقتل حناني ويضيع مكاني
ومهما بابعد ترجع لي تاني
تحتل شعري كمان أوزاني
تختل يمكن مش عاوزاني
أزرع شجر ورد ف أغصاني
أو ينبت الحب ف أحضاني
ما هي هي يا دنيا هي
جزيرة الحزن دي عنواني
بسقيها من حبي وحناني
باسم الوفا مع طول حرماني
باصرخ وصرختي حرة قوية
وبقول يا دنيا ما هي هي
هي هي يا دنيا هي

» لحظة عجز لمحاسن بيومي
» صعبان عليا (لمحاسن بيومي)
» أم الشهيد شعر محاسن بيومي
» موقع أخبار مصر يترجم قصيدة صنع في الصين لمحاسن بيومي لأكثر من لغة
» محاسن بيومي في ليه يا دنيا جارحاني