صباح الفل صباح الفل يا صابحة
على خدود الأمل طارحة
أغاني الحب والفرحة
عروسة ولايقة في الطرحة
صباح الفل يا صابحة
بغنوة حب وردية
صباح الحب يا غالية
وحضنك كل موانيا
صباح الفل يا صابحة
تصلي الفجر وتسبح
بنبض القلب وتصبح
على الإنسان
جبينك والله فوق عالي وكله إيمان
صباح الفل يا صابحة
بتغزل شعري وحروفه
عيون القلب بتشوفه
تقول قوافيه
تضم القلب بكفوفه
وكل ما فيه
صباح الفل يا صابحة
وحقك يا أمة على راسي
وقلبك هو نبراسي
مشاعري وكل إحساسي
يا جنة أهلي مع ناسي
صباح الفل يا غالية
يا وش الخير
في ليل الغربة بندهلك
وقلبي أسير
بيخلق صوته من صمتك
وزي الطير
أهيم أحضن تراب أرضك
بكيت من قلبي وآهو ضمك
بدون تفكير
صباح الفل يا غالية
يا وش الخير
في يوم أصحابي خدعوني
لأرض هلاكي وخدوني
قالولي إن أنت هتهوني
فالولي اللحظة في ابعادك تجيب دنانير
وتهت ف ليلي والغربة
من التفكير
واديني ف لحظة برجعلك
بطفل كبير بيخلق خيري جوايا
ياريت يا أمايا سامحيني
أنا ابنك أكيد ليكي ومش للغير
صباح الفل يا غالية يا وش الخير
الرئيسية 
البوابة* 
الأربعاء 24 يونيو 2009 - 22:54