احمد شعلان
عدد الرسائل : 17047
الموقع : جريدة الامة
تاريخ التسجيل : 24/09/2008
 | موضوع: أشعر عامية للرائع عبد الرحمن الأبنودي  الأربعاء 14 يناير 2009 - 14:09 | |
| رائع الأبنودي
أعجبتنى هذه الابيات فقررت طرحها عليكم
الأبيات للشاعر الكبير عبد الرحمن الأبنودى أحد فرسان العاميه المصريه
و هى من قصيده و طنيه بعنوان
صلح...مفاوضات ...اعتراف.........وما صلبوه
و لأن الابيات جاءت بعيده عن بعضاها فى قصيده كثيره الأفكار
فسأطرح عليكم كلمات بسيطه لتوضح المعنى
أعجبنى عندما تحدث الشاعر على لسان مناضل فلسطينى
و موجه كلامه ل شخص عربى محترف كلام فقط و يقول
زى العدو أنت صدقنى وكلك زيف
فضيت لفتل القصايد يوم ما بعت السيف
وف ساعه الحسم ترهن زمتك برغيف
أما الوطن..فاتركه لحراسه الاندال
لغربته فى الشتا ...و ذلته فى الصيف
و كذلك أعجبتنى أبيات يوجها الشاعر على لسان جندى صهيونى محتل الى
مناضل فلسطينى حقيقى و يقول
فتح الحجر جبهتى...و أنا شايل الرشاش
ربط جرحى -و أنا بجرى وراك-بالشاش
أنا بجرى بمرتبى ...و أنت بتجرى بلاش
و قبل ما يبلعك تحت المخيم ليل
حاهديك رصاصه....حجر يدك ما يمنعهاش
صهيونى...بزحف وراك...يسبقنى ليك غضبى
و حاقتلك....احترام لوضعنا الأدبى
ارفع قناعى....تلاقى وجهك العربى
و أهلك الصامتين .... فى صمتهم نايمين
عجبك على صمتهم ...لا يقل عن عجبى
أخذوا على وجودى بنهم و استتب الأمر
و خمارهم ..اللى عشانه حبوا شرب الخمر
و لما سكروا...انتشى زيد من شتيمه عمرو
لقيت خريطه و طنكم فى العرا بترعش
غرست أنا على الخريطه بايدى ...شاهد قبر
و أخيرا أعجبتنى أبيات يوجهها الشاعر لأطفال الحجاره قائلا
لسه ما شبعتش طوافه
يا اللى مولود من سنين؟
يا قمر مولود فى يافا
و اتقتل فى دير ياسين؟
يا قمر وأنت المناره
ألف وجه لألف حاره
أنت أطفال الحجاره
ياقمر...و أنا طفل مين؟
يا قمر اغضب بحده
انتفاضه مالها رده
زى ما فيه يافا واحده
واحده برضه دير ياسين
يا قمر خدته ليافا
خدنى هوه لديرياسين
| |
|
الرئيسية 
البوابة* 